Friday, September 30, 2011

உலகில் மதிக்க முடியாதது

என் இனிய உறவுகளே
உங்கள் பண்பிற்கும் பாசத்திற்கும்
தலைவணங்கும்
தமிழ் மகன் பேசுகிறேன்

மனிதனின் மொத்தச் சொத்து
மன்னரால் மதித்த சொத்து
மக்களால் மலர்ந்த சொத்து

விண்ணிலும் மண்ணிலும் விளைந்த சொத்து
விலை கொடுத்து வாங்க முடியாத சொத்து

பகைவரால் பறிக்க முடியாத சொத்து
படாத துன்பம்- பல
பட்ட போதும்
பண்பால் படைத்த சொத்து
வாழ்நாளில் நம் வளர்ச்சிக்கு
வள்ளலாய் இருக்கும் சொத்து
உடலும் உயிரும்
உணர்வான சொத்து

உறவுகளோடு இணைந்து
உறவான சொத்து

எண்ணும் எண்ணம் எங்கும்
எழிலான சொத்து
கால ஏட்டில்
பதிவானது
நம் வாழ்வின்  பயணமானது
அன்னையின் உயிரானது
அகிலத்தின் வெளிச்சமான
மூன்றெழுத்து சொத்து
மூச்சான அன்பு சொத்து-அது
அனைவரின் சொத்து
எல்லா உயிரிடமும் அன்பு காட்டுவோம்
வாழும் நாளை வளமாக்குவோம்

Monday, September 26, 2011

அறிமுகம்

நண்பர்களே என் பெயர் மணிகண்டன்.

நான் கே.எஸ்ஆர் கலை அறிவியல் கல்லூரி திருச்செங்கோட்டில்

இளங்கலை தமிழ் பயின்று வருகிறேன்.

இயன்றவரை தமிழிலேயே பேசி வருகிறேன்..

என் தாய் மொழியின் பண்பாடுகளையும், இலக்கியங்களையும் அறிந்துகொள்வதிலும், அதைப் பகிர்ந்து கொள்வதிலும் பெருமகிழ்ச்சி கொள்கிறேன்..

Thursday, September 8, 2011

நிலையாமை

 கருவறையில் பிறந்து
கல்லறையில் முடியும்
வாழ்வில் காலம் ஒரு விளையாட்டு -அந்த
கால விளையாட்டில்
நாமெல்லாம் நாயகன்கள்,நாயகிகள்
நடிப்பு மட்டுமே இவ்வரங்கில் -வேறு
எந்தவொரு பொருளும் சொந்தமில்லை
அதற்குள் எதற்கு- இந்த
கணக்கு பிணக்கு பார்க்க ஆரம்பித்தோம்
என்றால் கால் வழி  கூட கடக்க முடியாது.