Monday, December 3, 2012

இதயத்தின் உதயம்


என் இதயமெனும்
 வீணையை
வாசிக்கத் தெரிந்த
கலைமகள்- நீ  தான்
என்
அலையில் வந்த
 கலையே 
உன்னால் இனிமையானது
 எந்தன்  இதயம்  

Wednesday, November 14, 2012

என்று மாறும் இந்த நிலை


திட்டுவாங்காமலும் ...

வருடத்தில் ஒரு  முறை இவர்களுக்கு மகிழ்ச்சி



ஆசிரியரிடமிருந்தும்
பெற்றோரிடமிருந்தும்

 அடி வாங்காமலும்

இருக்கும் நாள்

அந்த நாள் இந்த நாள்
என்னவென்று தெரியுமா!
குழந்தைகள் தின விழா

அப்பாடா எப்படியோ

இன்றைக்காவது

நிம்மதியா விட்டாங்களே! என்று

எண்ணும் குழந்தைகளையும்

எண்ணாமல்

 ஏங்கித் தவிக்கும்
குழந்தைகளையும்
நினைத்துப் பார்க்க வேண்டும்

மனதார
அவர்கள் வாழ்க்கைக்குச் சிறு கடுகளவாவது

உதவி செய்ய முன் வந்தால் ,

மனித இனம் மதிப்போடு

இவ்வையத்தில் வாழும்...

Tuesday, August 14, 2012

சுதந்திர காற்று எங்கே?


சுதந்திரம் பெயருக்கு மட்டும் தான்
வறுமையின் மனம் இன்னும் வாடிக்கொண்டிருக்கையில்
வளர்ந்துவிட்டோம் என்று சொல்வதில் நியாயம் என்ன?
எங்கே எதில் வளர்ந்தோம்
அறிவியல் வளர்ச்சி மேலோங்க மேலோங்க ...
மனித வளர்ச்சி இன்று மண்மூடிக் கொண்டிருப்பதை
அறிந்தும் அறியாமல் உலக அரங்கில் நடைபோட்டுக்கொண்டிருக்கின்றோம்......ஆக நாம்
சிந்திக்கவும் செயல்படுத்தவும் முன் வந்தோம் என்றால்
சுதந்திரம் உயிர் பெறும்.
அப்போது தான் _ இவர்களின்
புலம்பலுக்கு புது வழி கிடைக்கும்.
அறிவு வளர்ச்சி ......
1.மரம்(மனம்) அழிவதால்
 குருவி(மனிதன்) புலம்பல்
கூடுகட்ட (வாழ்க்கை) இடமில்லையே .......